Картичка за лојални потрошувачи

Од 15 февруари, 2021 година, во употреба е Картичката за лојални потрошувачи, во рамките на програмата за лојалност и Клубот на лојални читатели на Букленд.

Клубот на лојални читатели е осмислен со цел да им изразиме благодарност на нашите читатели, со тоа што ќе им овозможиме бројни привилегии, награди и попусти во текот на целата година!

Со правото да бидете дел од Клубот на лојални читатели на Букленд се стекнувате при купувањето на минимум една книга во нашата продавница за книги или со регистрација на нашиот веб сајт. Веднаш добивате попуст од -10% на сите книги, но тоа е само почетокот! Програмата за лојалност се базира на три скалила, Клуб 10, Клуб 15 и Клуб 20. Веднаш штом го достигнете акумулираниот промет, преминувате во следниот ранг на попуст. Што повеќе читате, попустот повеќе ќе се зголемува. Зарем не звучи одлично?

Како да се зачленам?

Процесот на зачленување е брз и едноставен.

За да добиете картичка за лојални потрошувачи, потребно е при посета на нашата продавница да ни оставите ваши податоци, што компјутерски ќе се внесат во програмата за лојалност. Процесот трае неполна минута.

Картичката е бесплатна и ќе може веднаш да си ја земете. Почетниот попуст од -10% на сите книги што го добивате со картичката е активен и може да се користи и веднаш по нејзиното издавање.

Со самата регистрација на нашиот веб сајт го добивате почетниот попуст од -10% на сите книги и влегувате во програмата за лојалност и во Клубот на читатели на Букленд. Ги добивате истите привилегии и попусти што ги носи и Картичката за лојални потрошувачи. Доколку дополнително сакате да Ви се издаде и картичка, наведете во забелешка при правењето на вашата онлајн нарачка. Заедно со нарачката ќе Ви биде испратена. Картичката е бесплатна. Овој чекор е опционален.

Вашите лични податоци кои ќе ги оставите (име, презиме, тел. број) при издавањето на картичката ќе се користат исклучиво за нејзино издавање и се заштитени во согласност со Законот за заштита на личните податоци. Таа важи само за Вас и не може да се пренесува на трети лица. Потрошувачот е должен да ја приложи картичката при секое купување.

Попуст за лојални читатели

Со самата регистрација на нашиот веб сајт, или со купување на книга од нашата продавница за книги, добивате временски неограничено право на почетен попуст од -10% на редовните цени на сите достапни книги, на македонски и на англиски јазик. Во согласност со вашето темпо на читање, попустот се зголемува и може да достигне до -20%.

Еднаш кога ќе достигнете поголем ранг на попуст, тој не се намалува. Попустот, како и акумулираниот промет од купените книги не се рестартираат на крајот на годината. Висината на попустот може да се надградува, односно да се зголемува пропорционално со обемот на купување книги, преку акумулирање на вкупно направениот промет и тоа:

Прв ранг, Клуб 10 - 10% попуст: Почетниот попуст од -10% на редовните цени на сите книги го добивате со самата регистрација на веб сајтот или со купување на една книга, за кој било износ, од нашата продавница за книги. Тоа е првиот ранг на попуст, Клуб 10.

Втор ранг, Клуб 15 - 15% попуст:  Со надминување на акумулиран промет од 5 000 денари, стекнувате попуст од -15% на сите книги и преминувате во следен ранг, Клуб 15. Немате ограничено време за кое треба да го достигнете следниот ранг на попуст, а истиот не се рестрартира на крајот на годината.

Трет ранг, Клуб 20 - 20% попуст:  Со надминување на акумулиран промет од 10 000 денари, го достигнувате највисокиот ранг на привилегии (Клуб 20) и вашиот попуст се зголемува на -20% на сите книги.

Правила и услови за користење

Правото да ги користите попустите во Букленд како дел од нашите лојални читатели е временски неограничено. Привилегиите и попустите што ќе ги стекнете во тековната година, продолжуваат да важат и во следната година. Попустот можете да го користите, како во нашата продавница, така и преку веб сајтот, со најавување преку вашиот профил. Доколку не сте најавени преку профилот, нема да можете да го користите попустот за лојални читатели. Сумата на рангот се пресметува како севкупен збир од прометот направен во нашата продавница за книги или преку веб сајтот.

Попустот за лојални потрошувачи не важи за книги што во моментот на купување веќе се на попуст, ниту на саем на книга, освен ако јавно не е поинаку наведено.

Во случај на несоодветно користење, злоупотреба и слично, Букленд го задржува правото да ја одземе или поништи картичката.

Букленд го задржува правото да изврши менување на Општите услови и правила за издавање и користење на картичката или целосно да ја укине. Овие услови и правила стапуваат на сила на денот на нивното објавување.

Колку повеќе читаш, толку повеќе добиваш!

Последна промена: Април, 2024 година