Што би се случило кога неочекувано би се појавил стариот дневник пишуван пред речиси четириесетина години? Пишуван од тинејџерка која живееше во држава која одамна не постои, а читан од моментално средовечна жена и мајка.

Дали разликите од тоа време и денешницата се предизвик за една мајка, која збунета се наоѓа во расчекор меѓу една цела родителска генерација од социјализмот, принудена да воспитува деца во капитализмот? А климактеричните хормони во неа се судираат исто како тие две времиња: едното време со испишани фасади од пароли и другото, кога И БОГОВИТЕ ИМААТ ИНТЕРНЕТ.

Носталгична и истовремено комична книга, која се чита во еден здив, а може да поттикне секого да ѕирне во старите фиоки во потрага по заборавениот дневник или некој тинејџер да започне свој...