Преубава романтична комедија со која слатко ќе се насмеете и во која сосема ќе се вљубите.

Меган стравува од помислата да се врати дома за празниците. Исклучена е од заедницата во родното место, бидејќи пред пет години го оставила „златното момче“ пред олтар и избегала во големиот град. Сега навистина посакува да се врати без многу драми, особено зашто бившиот во меѓувреме повторно се свршил, а нејзе штотуку ѝ раскинале, четврти пат годинава.

На Кристијан му е смачено да биде сам секој Божиќ. Не му пречи тоа што нема никој до себе, но не може да поднесе кога неговото семејство тажно го гледа додека седат на маса. Бидејќи нему всушност и му е баш убаво.

Кога Меган буквално налетува на него во еден даблински паб, смислуваат заеднички план кој ќе им помогне да ги поминат празниците. Ќе прикажат дека се во врска. Но, додека се справуваат со две големи семејства и со стари пријатели, симпатии и чувства, нештата неминовно се заплеткуваат. А, кога кон таа комбинација ќе се додадат и една планинска куќа завеана во снег, и малку божиќна магија… сè може да се случи!