Ако со јазикот луѓето ги прикриваат своите мисли, целта на гестовите е да ги откријат. Кога не сте сигурни дали му се допаѓате некому, обрнете внимание на говорот на неговото тело – тој честопати зборува погласно од зборовите.

Овој фасцинантен Речник на говорот на телото е практичен водич за брзо читање на луѓето според нивните изрази и гестови, кој може да ви послужи во сите околности, од деловните средини до романтичните врски.

Како поранешен агент на ФБИ и признат експерт за невербална комуникација, Џо Наваро го збогатува својот бестселер Што кажува секое тело откривајќи ни над 400 основни показатели за говорот на телото и стотици дополнителни однесувања. Движејќи се од главата кон стапалата, Наваро ги објаснува скриените значења на многуте свесни и потсвесни работи што ги правиме со нашите тела и нè учи:

- да откриеме нечии чувства според движењето и ширењето на зениците

- дали соговорникот се плаши или лаже според она што го прави со усните

- што значат различни начини на поставување и вкрстување на рацете или на нозете и стапалата

- што открива положбата на нашите палци кога стоиме...

Со овие сознанијата ќе можете да ги читате вистинските намери на луѓето, но и да пренесувате пораки преку своето тело. Преполна со практични примери од богатата кариера на Наваро, оваа брилијантна книга ви дава нова перспектива за светот и за односите со луѓето. Искористете ги нејзините совети за да изградите самоуверен, успешен и среќен живот во кој можете да уживате.