„Покајание” е трогателна приказна за љубовта и простувањето. Неизвесна и возбудлива книга што се чита во еден здив, исполнета со книжевна проникливост што не поттикнува да се запрашаме дали најлошото нешто што сме го направиле е единственото што нѐ дефинира.

Кога во домот на Анџи и Дејвид Шиан се случува шокантно убиство, нивните животи се распаѓаат. Очајни да си го заштитат семејството, се обраќаат за помош кај адвокатката од малото гратче, Мартин Думон. Но, Мартин не е само нивен правен советник, туку и мајка на првата љубов на Анџи, Џулијан, денес успешен адвокат за кривична одбрана во Њујорк. Додека Џулијан и Анџи се соочуваат со заедничкото минато и одамна потиснатата вина од една трагична несреќа што се случила во минатото, тие мора да се справат со сопствената одговорност и нерешените чувства помеѓу нив.

Приказна што се протега низ децении, од скијачките патеки во рурално Колорадо, до улиците на Њујорк пред 11 септември. Дебитантскиот роман на Кристин Ковал „Покајание” е длабока приказна за сложеноста на семејната лојалност, патот на искупувањето и моќта на вистинското простување.