Потресен роман заснован на вистински случај на потонат бегалски брод за време на Втората светска војна.

Истанбул, 2001 год: Маја Дуран е самохрана мајка која се мачи да најде рамнотежа меѓу својата напорна работа на универзитетот и воспитувањето на синот тинејџер. Работите стануваат уште посложени кога добива задача да го шета загадочниот Максимилијан Вагнер, возрасен професор на „Харвард“ со германски корени, кој доаѓа во посета на градот. Тој се враќа на местото каде што во 1942 година се случува големата трагедија во која е торпедиран бродот „Струма“ и загинуваат 800 еврејски бегалци, меѓу кои и неговата сопруга.

Маја и Вагнер се зближуваат, меѓутоа во нивниот живот почнува да се вмешува и турската тајна полиција, како и претставници од руската и од британската амбасада, со цел да се прикрие вистината за страшното злосторство од минатото.

„Серенада за Надја“ претставува трогателна љубовна приказна и застрашувачки доказ за моќта на човечката блискост во тешки времиња.