„Магла и месечевина“ е своевиден увод во подоцнежните дела на Селимовиќ, а дел од критиката го смета и како суптилна увертира за култниот „Дервишот и смртта“.

Ова е приказна за млад селски пар кој во својот дом згрижува ранет партизан во текот на Втората светска војна. Ликовите се неверојатно психолошки прикажани, а трагичната нота демне над текот на дејството. „Магла и месечевина“ е едно од најдобрите дела со тематика од Втората светска војна – лирски, таинствен, суптилен и меланхоличен роман, но истовремено проникнат со еротски набој кој му дава дури и одредена контроверзна димензија. Ова е текст на молкот, кој чудесно се наметнува врз сè што ликовите зборуваат. Војната е вплетена и како општествена позаднина, но и како борба во самиот човек, бидејќи се прикажуваат човечките искушенија во немирни времиња, додека во совеста на ликовите се случува голем внатрешен судир.

Меша Селимовиќ изјавил дека ова е негово артистички најуспешно дело.