„Плен“ е самостоен психотрилер на Ирса Сигурдардотир од кој смрзнува крвта и кој ќе ви предизвика бессони ноќи.

Спасувачки тим е пратен во зафрлена исландска висорамнина во потрага по група исчезнати луѓе. Што е тоа што ги натерало двете брачни двојки да појдат на ризично патување, во толку лоши временски услови? И зошто го напуштиле единственото засолниште, скудно облечени и целосно изложени на страшниот студ?

Во меѓувреме, необични работи се случуваат и во далечната радарска станица во Стокснес. И тука е сè чудно. Без разлика дали станува збор за локвата крв откриена во негибнат снег, за малото детско чевличе пронајдено неколку децении откако е закопано или за црната дупка во карпата покрај морето, која како да ги привлекува луѓето.

Снегот продолжува да паѓа, необјаснивите настани не престануваат и ништо не е како што изгледа…