Во виорот на војната една млада жена е на крстопат. Тоа што ќе го направи ќе ја прогонува до крајот на животот. Но, чудесната игра на судбината потврдува дека љубовта и надежта никогаш не умираат.

Оксфорд, Англија. Младата студентка по историја, Кендра Ван Зант, доаѓа во една живописна селска куќа за да ја интервјуира деведесет и двегодишната Изабел Мекфарланд, една од ретките живи сведоци на Лондонскиот Блиц. Она што Кендра го учи од Изабел е и подарок и товар што ќе ги тестира сите нејзини верувања.

Англија во 1940-тите. Во страв од германски воздушни напади врз Лондон по падот на Франција, започнува голема евакуација на околу милион градски деца на село. Петнаесеттодишната Еми Даунтри и нејзината помлада сестра Џулија се вдомени во прекрасна селска куќа во регионот Котсволд. Но, горливата желба на Еми да се врати во градот и да ја продолжи кариерата како дизајнер на венчаници се коси со нејзиното чувство за должност кон нејзината сестра Џулија, која ужива во нивниот престој на село. 

Во истиот момент кога девојките тајно се враќаат назад во Лондон, започнува страшното бомбардирање на градот, сестрите ненадејно се разделуваат, а текот на нивните животи неотповикливо се менува. Еми не може да си го прости тоа...