Лондон, 1940 година. Паѓаат бомби, а светот на Џози Бенкс се руши околу неа. Не може да го контактира својот заштитнички настроен сопруг, Стен, бидејќи е заминат со војската. Домот ѝ е сведeн на урнатини и пепел. Саканата сопственичка на чајџилницата, каде што работи Џози, загинува, а таа е повредена и нема каде да оди.

Ја евакуираат на село во Англија и завршува на имотот на аристократката Мис Харкорт, незгодна домаќинка на преживеаните во Блицот. Одушевена од прекрасните глетки на село, Џози гледа можност. Ја убедува Мис Харкорт да ѝ дозволи да отвори скромна чајџилница, гледајќи го тоа како шанса сите да почнат одново. Штом ќе го сретне Мајк Џонсон, згоден канадски пилот на служба во соседната авионска база, меѓу нив се јавува интимност која ѝ носи внатрешен мир што никогаш не го почуствувала.

Но, Стен се враќа од војна. Опасноста што демне е поголема отколку што некој би можел да замисли. Опасна тајна се заканува повторно да го преврти животот на Џози. Нејзината нова храброст ќе биде ставена на тест, ако сака да исплива како спасеник, во триумф...