Стокхолм, 1794 година: Шведска ја преживува една од најголемите кризи во својата историја, политичките сплетки и тензии се заоструваат и се чини дека нештата никогаш нема да станат подобри. Градскиот чувар Микел Кардел е очаен по загубата на својот најдобар пријател и полека ја губи волјата за живот, сè додека една жена не го замоли да ја истражи суровата и мистериозна смрт на нејзината ќерка.

Надоврзувајќи се на настаните од својот претходен роман, „1793“, Никлас Нат о Даг повторно пишува одлично смислена комбинација од политичко-историски роман, готска фикција и трилер, исполнета со шокантни сцени и впечатливи ликови.

„Во ‘1794’ Нат о Даг повторно ги комбинира жанровите на историски роман и трилер, градејќи впечатливи и силни ликови втурнати во брза и динамична приказна.“ - Паблишерс викли