Њујорк 1919 година. Откако ја губи мајка си, животот на 21 годишната Лилијан Картер целосно се распаѓа. Во изминатите шест години, под името Анџелика, Лилијан беше една од најбараните модели на уметниците во Њујорк, чии статуи ги красат најпознатите зданија, од хотелот Плаза до Бруклинскиот мост. Но, на повидок е скандал кој Лилијан сака да го избегне наоѓајќи засолниште во резиденцијата на семејството Фрик, како лична асистенка на темпераментната Хелен. Животот на Лилијан премногу се испреплетува со животот на семејството, па така таа ќе биде вовлечена во една несакана афера, кражба на еден од најпознатите дијаманти и убиството на индустријалецот и покровител на уметноста Хенри Клеј Фрик.
Њујорк 1966 година. Англичанката Вероника Вебер ја користи својата единствена шанса да направи кариера како супер модел во Њујорк и со тоа да ги заработи парите што ѝ се потребни за да го издржува семејството. Таа доживува фиаско на нејзиното прво снимање за „Вог“ и останува заклучена во Музејот на уметноста на Петтата авенија, поранешната резиденција на семејството Фрик. Сакајќи да ја убие досадата, Вероника тргнува по замислена потрага, но наидува на скриени пораки кои што можат да ѝ ги решат финансиските проблеми, но исто така можност конечно да се открие вистината зад мистериите и децениското убиство во семејството Фрик.
„Палатата со магнолии“ е роман за тајните, предавствата и убиството во едно од најпознатите семејства од Златното доба на Њујорк, семејството Фрик.
Слични продукти
Неговите бели ракавици
Сеќавањето е лажливо... Страста е ѓаволска работа. Нема ниту да трепнеш, а таа ќе помине и ќе остане..
390 ден
Еднаш и засекогаш
Една од најмаестралните и најтрогателните љубовни приказни на Џудит Мекнот ја оживува на хартија нев..
490 ден
Половината што ми недостига
Од град можеш да избегаш, но од крвта не се бега.Близначките Винс мислат дека можат да избегаат и од..
500 ден
Сиви пчели
Во Мала Староградовка, село сместено на ничија земја меѓу Украина и Русија, живеат само двајца средо..
530 ден
Ознаки: palatata so magnolii, fiona dejvis
