„Моето вчера исчезнува, а иднината ми е неизвесна - тогаш за што живеам? Живеам за секој ден. Живеам за сегашниот момент. Ќе го заборавам денешниот ден, но тоа не значи дека денешниот ден не е важен.“

Алиса Хауланд е среќно омажена жена и мајка на три возрасни деца. Таа е ценета професорка на Харвард и на врвот од својата професионална кариера забележува дека нејзиниот ум полека, но сигурно, го освојува заборавот. Збунета од помрачување на мислите и се позачестеното губење на меморијата, Алиса оди на лекарски преглед каде што и е дијагностицирана рана Алцхајмерова болест. Наспроти страшната болест и фактот дека ја губи контролата над сопствениот ум, Алиса дава се од себе за да живее како порано. Но, болеста забрзано напредува и таа веќе не е способна да работи, не ги препознава сопствените деца и не може да се грижи за себе.

На моменти трогателен, но пред се инспиративен и застрашувачки, романот "Се уште Алиса" детално и многу реално го опишува животот, чувствата и размислувањата на личноста која боледува од деменција, предизвикана од ужасната Алцхајмерова болест. Но, ова не е само приказна за заболениот, туку и за неговото семејство кое падеднакво трпи и страда...