Алфа и Мадемба се двајца од безбројните сенегалски војници што се борат во Големата војна. Тие двајцата заедно посветено излегуваат од нивните ровови, за да ги напаѓаат германските непријатели на Франција, секогаш кога ќе одекне свирежот за напад, се додека Мадемба не го ранат. Тој умира во дупка од граната, со распорен стомак.

Без другарот, неговиот повеќе од брат, Алфа е осамен и загубен среде дивјаштвото на судирот. Тој се посветува себеси на војната, на насилството и на смртта, но наскоро почнува да ги заплашува дури и своите браќа по оружје. Колку далеку ќе оди Алфа за да се искупи за својот мртов пријател?

Браќа по душа е хипнотизирачки и трогателен приказ на еден ум кој се стрмоглавува кон лудило. Роман кој е веројатно единствен на светот по својата тема. Романот е награден со шест награди во текот на 2018 и 2019 година, од Гонкурова на средношколците на Франција до Стрега Еуропео. Исто така, беше и во потесен избор за Ренодо, Фемина, Гонкур и Медисис.