Темите кои го обликуваат пејзажот на овој впечатлив краток роман се длабоко универзални во својата романтичност, а оттука и податни за читатели што доаѓаат од секоја доба и лична убеденост, а истовремено исткајани со механичка прецизност и болна висцералност, што им дава посебна вредност.
Нанесувајќи слој по слој комплексна интимност во портретот на едно семејство сочинето во несреќно-среќни услови, авторот ни докажува дека превртливиот однос меѓу радоста и очајот во секојдневието честопати се должи на таложењето на ситни нешта кои, сепак, поседуваат неблагородна склоност да прераснат во амалгамни ѕверови кои ни ги поробуваат душите. Во секој ред од „Ѕвончица и волците“, притисокот на брилијантната технологија на денешницата конзистентно пулсира како мачна и корозивна сила која се храни со тајни и го фасцилитира распаѓањето на аналогните односи меѓу нејзините корисници.
Оваа книга е за тоа дали навечер легнуваме да спиеме знаејќи дека сме дале сѐ што било можно, или пак пресметувајќи сѐ што можеше да биде. Оваа книга е за лузните кои нѐ потсетуваат дека моќно сме љубеле, наместо плашливо живуркале. За кршливоста која е инхерентна во секоја тврдина и секоја кула од слонова коска. За доблеста на загубата. А најмногу од сѐ, за неприкосновената светост на детското внимание.
Ѕвончица и волците
- Издавачка куќа: Збор
- Автор: Јовица Вулетиќ
- Достапност: In Stock
- 250 ден
-
175 ден
-
- 1 или повеќе 175 ден
Слични продукти
Палатата со магнолии
Њујорк 1919 година. Откако ја губи мајка си, животот на 21 годишната Лилијан Картер целосно се распа..
390 ден 520 ден
Шепотот на пчелите
Од денот кога старата нана Реха го најде напуштеното бебе под мостот, животот во малиот мексикански ..
473 ден 630 ден
Во нечии други чевли
Приказна исполнета со сплетки, недоразбирања и грешки, ова е новиот роман од најпродаваната авт..
413 ден 550 ден
Ознаки: zvoncica i volcite, jovica vuletikj