Во овој крајно неизвесен трилер на една од најпродаваните авторки на Ју-ес-еј тудеј, Кимберли Бел, патувањето од соништата станува смртоносно кога тајните од минатото ќе ја достигнат брачната двојка во Париз.

Кога Стела се запознава со Адам, мисли дека конечно нашла фин, нормален човек – добредојдена промена во споредба со нејзиното претходно момче и со опасниот живот на висока нога со него. Но, нејзиниот сигурен свет се распаѓа кога Адам исчезнува како последица на експлозија на градскиот плоштад.

Бидејќи не може да го добие, Стела крева паника. Како што истражува француската полиција, се открива дека таа го следела Адам како продавач на ретки и украдени антиквитети со долг список на клиенти криминалци. Потресена од оваа вест, Стела е решена да не замине од Париз додека не ја дознае целата приказна. Дали Адам е случајна жртва или цел на експлозијата? И зошто некој ја следи низ париските улици?

Париската вдовица е неодоливо четиво што се чита брзо. Сместено во едно од најпримамливите места во Европа, ни укажува како злокобните тајни од минатото остануваат со нас – без оглед на тоа колку далеку ќе отпатуваме.