Кејси Флечер, актерка која од неодамна останала вдовица, се обидува да избега од нападните новинари и се повлекува во мирот на семејната езерска куќа во Вермонт.

Вооружена со двоглед и неколку шишиња алкохол, таа го минува времето набљудувајќи ги Том и Кетрин Ројс, гламурозниот пар кој живее во куќата спроти езерото. Тие се интересни за набљудување – технолошкиот иноватор Том е богат, а поранешната манекенка Кетрин е прекрасна.Еден ден, на езерото, Кејси ја спасува Кетрин од давење и тие две почнуваат да се дружат. Но, колку повеќе се запознаваат – и колку подолго Кејси набљудува – станува очигледно дека бракот на Кетрин и Том не е толку совршен колку што изгледа. Кога Кетрин исчезнува, Кејси станува обземена да открие што ѝ се случило. Патем, открива морничави, мрачни вистини, кои ја претвораат приказната за воајеризам и сомнеж во приказна за вина, опсесија и за тоа колку изгледот може да излаже.

И во овој роман заштитен знак на Рајли Сејгер се спојот на итри ликови, психолошка неизвесност, изненадувања достојни за воздишки и шокирачки пресверти до последната страница.