За време на страшна бура, Моли го напушта своето семејство за да ги затапи своите чувства. Таа вози километри сè додека ѝ снемува гориво. Кога нејзиниот автомобил застанува, непознат маж со камионет во придружба на мало девојче, кое е копија на нејзината изгубена ќерка, ѝ нуди помош.

На Моли ѝ изгледа тоа како некаков знак. Таа ја прифаќа помошта и влегува во камионетот. Кога вратите се заклучуваат, неа ја обзема желба да се врати дома и да биде со нејзиното семејство – колку и да е тоа скршено. Но, се случуваат некои работи кои ѝ предизвикуваат сомнеж дека таа ја направила најужасната грешка.

Ник, ќерката на Моли, не ѝ верува на полицијата за исчезнувањето на нејзината мајка. Таа не може да поверува дека нејзината посветена мајка самоволно ги напуштила засекогаш. Самоиницијативно Ник се впушта во потрага на местото каде што последен пат била видена нејзината мајка. И колку подлабоко таа копа, толку повеќе се приближува до вистината за таа ноќ и опасноста која ја демне.