Греј е во Токио во потрага по изгубен филм, што ги прикажува настаните од Нанкинг. Велат дека филмот воопшто не постои. Само еден човек може да и помогне. Тој ги преживеал настаните од Нанкинг, сега е визитинг професор на угледниот токиски универзитет Тодај. Занесен во книгите, и со страв од непознати, во почетокот не сака да има ништо со Греј.

Греј е очајна во непознат град, ја прифаќа работата како хостеса во отмен клуб што го посетуваат јапонските деловни луѓе и богати гангстери. За најважниот гангстер, старец во инвалидска количка, опкружен со многу телохранители, се зборува дека својот долг живот го должи на некоја моќна напивка. Таа напивка ја сакаат многумина, по секоја цена. Но, тоа не е единствената тајна на старецот...