Договорен брак. Романса што ја вклучува мафијата.

Кога Касио првпат ја сретна својата свршеница, таа му се обрати со „господине“. Откако ја загуби својата сопруга, Касио остана сам да се грижи за две мали деца, обидувајќи се истовремено да ја зацврсти и својата власт над Филаделфија. И сега му е потребна мајка за неговите деца, но и некој што ќе му го грее креветот ноќе.

Сепак, во еден традиционален свет како неговиот, изборот на сопруга е должност, а не задоволство. Треба да се следат одредени правила, да се почитуваат традициите. На таков начин тој завршува со една жена – одвај полнолетно девојче. Таа можеби и не е вистинското нешто што им е потребно нему и на неговите деца, но секако е опако привлечна… слатко искушение на кое тој не може да му одолее.

Џулија отсекогаш знаела дека ќе се омажи за човек што ќе ѝ го избере татко ѝ. Само што никогаш не очекувала да биде дадена на некој што е многу постар. И, ненадејно, сега треба да биде мајка на две мали деца, а никогаш во животот не држела бебе во прегратка. Џулија брзо сфаќа дека Касио не е заинтересиран за каква било рамноправна врска. Мајка ѝ секогаш ја предупредуваше дека моќни мажи, како Касио, нема да дозволат никаква дрскост.

Сепак, уморна од тоа постојано да ја третираат како дадилка и како неука млада невеста, Џулија решава да се бори за својата визија за среќно семејство...