Кога дваесет и двегодишната Марла ќе открие дека е неочекувано бремена, таа посакува семејство, но се соочува со несигурност и неизвесна иднина со нејзиното талентирано момче, Лијам, со постојаната опасност од нејзината цимерка Дани, некогашна проститутка и закоравен наркоман и некажаните, но преголеми потреби на нејзиниот помлад брат, Гавин, кој има проблеми со слухот.

Марта е под закана на синдромот на фетален алкохолизам (состојба предизвикана од консумирање на алкохол за време на бременоста) но таа сепак, покажува огромна храброст, отворено барајќи помош и задржувајќи го умот отворен кон решенија, и покрај тоа што ја губи работата, ја крши раката во сообраќајна несреќа…

И покрај сè, Марла е подготвена да признае дека сака повеќе за своето дете отколку што во тој момент може да му даде.

„Прекрасен, искрен, срцепарателен – не можам да го препорачам овој роман толку силно колку што сакам.“ - Анабел Лион