Деветгодишната Мира оди со другарите на река за да си играат пловејќи на парчиња мраз и покрај тоа што родителите тоа строго ѝ го забрануваат. Казната е „драконска“: не ѝ е дозволено да јаде од десертот на триесеттиот роденден на мајка ѝ, принцес крофните донесени од тетка ѝ Хана. По цела низа од неверојатни и трагични случувања ќе се покаже дека токму непослушноста е она што ја заштитило Мира, која од тој момент ќе биде неповратно и нераскинливо поврзана со својата тетка.

Хана е чудна, молчалива и депресивна жена, но Мира низ соживотот со неа полека ќе го открива компликуваното и мачно семејно минато и ќе почне да сфаќа зошто е Хана таква каква што е. Семејното горчливо искуство во нивните животи ќе продолжи да плови како она големо и непремостливо парче мраз, од кое започна сѐ. Ќе успеат ли Мира и Хана да се одржат над површината?