Што кога ќе те обвинат за убиството на сопственото семејство?

Хана се буди во мотелска соба и не може да се сети како се нашла таму, ниту пак зошто ја обвинуваат за убиство на нејзиното семејство. И не само што ја обвинуваат, туку ѝ покажуваат видео снимка на која таа признава дека навистина ги извршила убиствата.

Но, Хана е експерт за читање изрази на лицето, па ја користи својата професионална експертиза за да ја докаже својата невиност, притоа откривајќи злокобна позадина која вклучува личност којашто ѝ е блиска.

Маестрото за психолошки трилери длабоко го истражува мрачното прашање: Колку добро ги познаваме оние кои ги сакаме? Со уникатен спој на форензика, психологија и морална комплексност, ова е незаборавно неизвесен трилер кој ќе ве натера да преиспитате сѐ што сте мислеле дека знаете за семејните врски и човечката природа.