"Неговите очи ми кажуваа сѐ што со гласот не можеше. Разменивме илјада зборови без да изустиме ниту еден..."

Бегајќи од сеќавањата за трагичната смрт на татко ѝ, Бри Прескот ќе пристигне во заспаното, крајезерско гратче Пелион, полна со надеж дека овде конечно ќе го пронајде мирот, кој очајно ѝ е потребен. Но, оковите сѐ уште ја држат врзана за минатото. Кога случајно ќе го сретне Арчер Хејл, немо, но презгодно момче, кое живее изолирано на својот огромен имот, таа верува дека токму тој го чува клучот за нејзината слобода. Ќе ѝ помогне ли тој да си ги залечи раните?

Срцето на Арчер е одамна затворено за љубов. Во сообраќајна несреќа, освен што ги загубил родителите, го загубил и својот глас. Отфрлен од сите, тој нема со кого да разговара... Сѐ додека не се појави Бри. Ќе му помогне ли таа конечно да се слушне неговиот глас?

Толку многу страст и толку многу болка се преплетени во оваа емотивна приказна за двајца луѓе што учат како повторно да веруваат некому. Но, се чини дека тишината на Арчер е она што ќе им помогне да разберат оти понекогаш, сѐ што ни е потребно е една личност што ќе успее да го слушне нашето срце, звук што никој друг не се ни обидел да го чуе.