Во 1962 година, Флоренс и Едвард го прославуваат почетокот на својот меден месец во еден хотел покрај морскиот брег во Дорсет. Сепак, за време на вечерата, нивните очекувања во врска со првата брачна ноќ одеднаш ќе се претворат во ужасен притисок. Одлуките што ќе ги донесат таа ноќ целосно ќе ги изменат нивните животи.

Со својата прекрасна проза и со исклучително ефективниот завршеток на книгата, Мекјуан успева да го поведе читателот на патување низ животот на двајца луѓе преку нивните различни сфаќања на копнежот и на љубовта.

„Мало, совршено ремек-дело што го прогонува читателот уште долго по читањето… Мекјуан исцртува човечки, трогателен, а понекогаш и комичен портрет на брачните недоразбирања, но и на односите помеѓу луѓето воопшто.“ - Лос Анџелес Тајмс