Експертка за говор на телото и сеќавања, и консултантка на полицијата во Осло, психологинката Кари Вос месечари низ деновите, а навечер продолжува со очајната потрага по својот млад син, кој исчезнал на денот на својот роденден, седум години претходно.

Додека сè уште тагува по својот починат сопруг и се обидува да ги собере скршените делчиња од својот живот, таа си дозволува себеси да се впушти во шокантна истрага кога две локални тинејџерки ќе бидат насилно убиени во една семејна викендичка во блиското гратче Сон.

Кога пријател на жртвите е обвинет за овие варварски убиства, се чини дека сите докази се против него и случајот е затворен, но Кари не е убедена во тоа. Со помош на своите инстинкти и вештини, таа спроведува своја сопствена истрага, истрага што ја води до неколку различни осомничени, меѓу кои се и луѓе што добро ги познавале мртвите девојки.

Со помош на инспекторката Рамона Норум, таа открива дека ништо и никој – вклучувајќи ги и жртвите – не е така како што изгледа. И открива дека постои мрачна тајна во срцето на гратчето Сон, тајна што можеби е поврзана не само со исчезнувањето на нејзиниот син туку и со нејзиниот сопствен живот…