Од зад завесите, Сара кришум го набљудуваше младиот брачен пар како излегува од куќата. Беше невообичаено да се видат луѓе на соседниот имот. Се прашуваше колку тоа ќе ги промени нивните животи. Засега, реши да почека и подобро да ги запознае. Мораше да ја стекне нивната доверба.

Кога го запознав Ричард, веднаш се вљубив во него. Можеше да ми обезбеди сè што отсекогаш сум посакувала. Куќа од соништата, безбедност, а најмногу од сè, љубов по којашто очајно копнеев. Живеевме мирен живот среде пустелија, само ние во нашиот мал свет.

Затоа, кога се продаде куќа отспротива што беше празна со години, бев исплашена. Дали нашите нови соседи ќе го распарчат совршениот живот што Ричард го создаде за нас? Штом ги запознав Џулиет и Дени, се уверив во спротивното. Обземени од тага по смртта на нивната ќерка, се преселиле овде во потрага по мирен живот и шанса за нов почеток. За кусо време увидов дека токму такви соседи ни беа потребни.

Сè беше добро додека Џулиет не го виде детето во нашата градина. Морам да ја убедам дека си замислува. Морам да го направам Ричард среќен. Ако сакам да го сочувам она што го имам, таа никогаш не смее да ја дознае вистината.

Дека мојот совршен живот е изграден на најсмртоносната лага...